رحلة عيد

السلام عليكم

أن شاء الله كلكم بتكونو قضيتو أيام عيد حلوه واستمتعتو مع حبايبكم وأصحابكم ، وأكلتو لحمة وكعك وحلويات

(العيد ما بينفع بدون حلويات أصلا)
أنا عن نفسي قضيت أيام عيد حلوة ،أول يوم كالعاده بيكون مع الأهل

(بنقضيه حلويات ومعايدة وعيديات وضحك )
تاني يوم عيد كان جدا مميز وحلو
طلعت فيه رحلة مع عمو ...... عالامارات الشمالية ، زرت دبا عمان ودبا الفجيرة ومرينا براس الخيمة والفجيرة وكانت جد رحلة ممتعة وحلوة وبتعقددددد
والجو كان روعة والناس كلها مالية الطريقة ومعيدين ،أصلا انا بحب البر والطبيعة وصراحة هالرحلة إجت بوقتها لأني فعلا زهقت من زحمة المدينة والحياه العملية والروتين والجمود الي بحياتنا اليومية ، وكنت بدي فترة راحة ويريتها ما تخلص ابدا
وكان يوم العيد هو هاي الفترة الي كنت بتمناها
مع اني طلعت البر مع اهلي كتير بس بصراحة ما كنت بستمتع هيك ، هاي الرحلة كانت ممتعة اكتر كلها ضحك وانبساط وحب وناس طاعلة لتغير جو وتفرح بكل بساطةطبعا أنا أخدت شوية صور للرحلة وحتشوفوها معي هون وان شاء الله تعجبكم

الصور الي حتشوفوها هلأ حسب مقلي عمو ..... هية لأول مسجد بني بدولة الامارات بناه أبو بكر الصديق رضي الله عنه لم إجا يحارب المرتدين وفي بجنبو للمسجد هاد قلعة بنوها ليراقبو منها بتطل عالبر من جهة ومن الجهة التانية بتطل عالبحر ، طبعا أنا شفتها بالليل بس بجد كانت متعة حلوة اني اشوفها واطلع عالقلعة فوق وأكشف المنطقة تحت من هيك علو

(المسجد اسمو مسجد البدية )

وجد المسجد شكلو جلو ومع انو قديم وصغير بس لهلأ بيستخدموه وبيصلو فيه

ان شاء الله تكون عجبتكم الصور وبنشوفكم قريب عنا لو حابين تشوفو هالاماكن