سلام يا جماعة
طبعا الأغلبية على ما أظن سمعو عن الخبر الي نشر على شاشات التلفزة وصفحات الجرائد
"صحفي عراقي يلقي بفردتي حذائه على بوش خلال مؤتمر صحفي له ببغداد قبل الامس"
والله سلمت يداك صراحة كتير عليه لبوش الحذاء وخسارة فيه ، بس احنا النا بالقيمة المعنوية لهذا العمل الجلل
برأيي عالأقل
يعني مو ضايلو شي عحكمو الدكتاتوري لأمريكا وبتكون نهايتو هيك محرجة ومذلة أمام الشاشة وقدام الكل
الله يزيدو يارب
بس بجد عندي سؤال ،هلأ وين الديمقراطية وحرية الرأي والتعبير؟؟؟؟ هالانسان (الصحفي العراقي)عبر بكل بساطة عن رأيووبكل وضوح وعفوية
هلأ المفروض بوش يكون عاقل ويكبر راسو ويرض بفردتي الحذاء الي اترمو عوجهو ويحكي شكرا
مش هيك الإتكيت بيحكي ؟!!!
بس بوش شكلو زعل وأخد عخاطرو (شكلو مقاس الحذاء ما عجبو) لهيك اعتقلوه للزيدي ( ربنا معو ويسلم اديه يارب)
بس عالعموم بنحكي لبوش اتعيش وتاكل غيرها يا مان
اليوم اترمى عليك الحذاء بكره بإذن الله بيدعسو عليك شخصيا
اسيبكم مع هالخبر الحلو بجريدة الشرق الاوسط
وفيكم تلاقو الفيديو المصور على قناة ال بي بي سي
وتحياتي للجميع وشي يوم رح يكون حذاءكم بشي مزاد علني لأنكم رميتوه بوجه حد بيستاهل
إلعب معنا وصوب صح
2 التعليقات:
حنان ... بحكم متابعتى للقنوات الامريكيه فمانحكيلكش ع اسلوب تناولهم للمشهد من خلال برامجهم الفكاهيه ونقدر نقول انهم خلو منه مسخره بجد حتى ان احدهم علق وقال ان بوش اختبأ من رمية الحداء كما لم يختبى اسامه بن لادن
والاخر قال ساخرا حاولو ان ترمونى باحديتكم وسأحاول كيف اتلافيها ههههه
والله وودعناك وداع حلو يا بوش
ماضربك حد ع ايدك انت كنت مصر ماتفوت العيد الين ترجم كالشيطان الاكبر
سلام
اهلا عبدالله
شفتلك على هالنهاية السعيدة
يلا يعيش وياكل الف وحدة غيرها ،وبعدين هو المفروض من هلأ يبلش يتوقع متل هيك شغلات كتيييييييييير
إرسال تعليق