الحب و الرومنسية

عندما تهديها ورده .. .. فهذه رومانسيه

عندما تكون انت الورده .. .. هذا حب

عندما تمسح دمعها.. .. فهذه رومانسيه

عندما تدمع عيناك لدمعها.. هذا حب

عندما تحب كل شىء تفعله لها .. .. فهذه رومانسيه

عندما تفعل كل شىء تحبه هي.. .. هذا حب

عندما ترويها اذا ظمأت .. .. فهذه رومانسيه

عندما تظمأ لترويها .. .. هذا حب

عندما تطبع على عينيها قبله .. .. فهذه رومانسيه

عندما تقبّلها عيناك دائما .. .. هذا حب

عندما تترك كل شىء تحبه لها .. .. فهذه رومانسيه

عندما تترك كل شىء تحبه من اجلها.. .. هذا حب

عندما تفكر بأنه ليس لديك سواها .. .. فهذه رومانسيه

عندما تفكر بأنه ليس لسواك ما لديك .. .. هذا حب

عندما تفعل المستحيل من اجل سعادتها .. .. فهذه رومانسيه

عندما تسعد بالمستحيل من اجلها .. .. هذا حب

عندما تنظر لعينيها .. .. فهذه رومانسيه

عندما تنظر بعينيها .. .. هذا حب

عندما لا يتبقى في الكون الا ورده واحده فتقطفها لها .. .. فهذه رومانسيه

عندما تزرع لها الورد .. .. هذا حب

عندما يذكرها لسانك في كل وقت.. .. فهذه رومانسيه

عندما يشعر بها قلبك في صمت .. .. هذا حب

عندما تضمّها اذا احاط بها الخطر .. .. فهذه رومانسيه

عندما تضم الخطر حتى لا يحيط بها .. .. هذا حب

عندما تعلّمها السير وحدها .. .. .. فهذه رومانسيه

عندما تحملها على يديك لتسير بها .. هذا حب

أطفال&أطفال

سلام يا جماعة ، طبعا كل سنة وانتو طيبين العيد قرب وبمناسبة انو العيد قرب طبعا لازم نشتري ملابس العيد ، ومن يومين كنت بتسوق وطبعا ملابس البنات بتعقددددد بالسوق وانا ما قدرت اتحمل واتهورت واشتريت لملك كم طقم

والله هالملك شكلها يا أميرة يا ملكة لأنو صاححلها الي مش صاحح لغيرها من اولاد وبنات العيلة

صحيح البنت هاي مرزوقة

ولم رجعت البيت بقلها جبتلك أواعي العيد ، وانبسطت كتير ، وبعد كم يوم ابوها وامها راحو كمان شرولها أواعي للعيد مرة تانية ، وكمان راحت خالتها التانية الي هية اختي التالتة اشترتلها كمان مرة تالتة اواعي العيد ههههه

وصفت الأميرة ملك شارية أواعي للعيد 3 مرات

بسسسسسسسسسسسسسسسسسسسسسس

أحلي شي بالموضوع إنو ملك مش معترفة بأي حد غيري ، كل محد يسألها مين جبلك أواعي العيد بتجواب

حنووووو

ههههههههههههههههههههههه

والله ما رشيتها بس البنت بتفهم وعندها انتماء لخالتها حنووو الي هية أنا

وطبعا أواعي العيد كترت وصار عندها شي 20 طقم للعيد والمصيبة صفت بدها اتلبق لكل طقم بكل لشعرها وشنطة وكندرة وجرابات

خربت بيت ابوها بالكنادر لأنهم بيغلبو الله يعينك يا..... بتستاهل كل واحد حسب نيتو الله بيعطيه ، اللهم لا شماته

كل سنة وانتو طيبين هلأ في حد فيكم شرى أواعي عيد متل ملك ؟؟؟ طبعا مافي ، لأنو الأميرات هلأ بنعدو على الأصابع مع الأزمة الاقتصادية الي صايرة بالعالم ^_*

بتاريخ 25-11-2008 الي هو امبارح صادف عيد ميلاد عمر ابن اختي (أخو العاطل أسامه الي طلع عيني بالانجليزي والرياضيات ) وعمر أفندي طبق 4 سنوات عقبال عندكم يا رب ^_*

وعملولو حفلة بسيطة جمعت العيلة وبس ، أصلا اولاد العيلة عنا بيكفو وبيوفو فما في داعي الاستعانة بأولاد الجيران

تخيلو اني أعدت ألف هدايا عمر الي إمو واخوانو(أسمومه وصلوح) جابولو ياها وطلعو 13 هدية هههههههه تخيلو 3 أشخاص يجيبو 13 هدية

يريتني عمر(اللهم لا اعتراض بس ليش عمر بياخد هدايا أكتر من حنووو ، حتى اسم حنو أحلى من عمورة ،ولا شو رايكم؟؟)

الطيارة كانت هديتي لعمر (رهيبة وبالريمونت كمان ) يلا طيرررررررر يا خالتي عنو محدا حوش

ملك جابت لعمر البسكليت الي هوة راكبو (هدية مصلحة طبعا)علشان عمر يركبها عالكرسي الي وراه ويسوق فيها بما انها لسة ما بتعرف اتسوق

يعني شغلت الغلبان عمر عندها سواق من هلأ

مساكين الشباب من وهم اصغار البنات بيستغلوهم

وبس يكبرو بيطالبو بالمساواه مع الرجل ( والله حكي فاضي )

الزلمة من وهو عمرو 4 سنوات شغال سواق بسكليت عند الأميرة ملك وبالاخر بتصرخ عليه وبتقلو قوم من عالبسكليت (بتزلووووو للشب )

بس هو عاطل وما سكت وعضها بيوم ميلادو وصارت حكاية

وملك حقدت على عمر وصارت تصح من النوم بتحكي عضووو عمر هههههههههه

عقدها يا حرام

سلام يا جماعة

طبعا بما إني قاعدة بالبيت وما وراي شي ، طلبت مني أختي العزيزة أدرس ابنها انجليزي لأنو عندو امتحان وهيه عندها شغل

وبما إني ما وراي شي فلازم أوافق (بالغصب يعني) وطبعا كان يوم ميعلم بيه إلا ربنا، هالولد طلع عيني تخيلو 3 ساعات بس بشرحلو

past simple +present simple+present simple with verb to be

طبعا ما بدهم شي وبتزكر عأيامي كنت باخدهم بالابتدائي وكنت بدرس لحالي وبحفظ وبفهم وبمتحن كمان لحالي ، بس جيل هالأيام تخصص برفع الضغط وتوتير الأعصاب وحرق الدم ، والله الله يعين اختي كيف متحملة ابنها وبتدرسو كل يوم أنا بزماناتي كنت بدرس لحالي هلأ هو قد الشحط ولازم حد يدرسو ، وطول الوقت يا أسومه ركز معي يا أسامة مش حعيد تاني يا أسامه دخيل الله صوتي راح يا أسامة رح أضربك لو ضليت تتشاقى

طبعا طول الوقت بيلعب وبيحكي وبينط من مكان لمكان (جن) والمصيبة اني بس اسألو سؤال بيرد وبيجاوبني صح

كيف ما بعرف؟؟

بتعرفو هالنوع من الأولاد الي بيكون مشاغب وشاطر لدرجة إنو بيصدمك هو هاد أسامة العفريت

بس جد زمان ما كانت امي ولا ابوي يهتلو هم دراستنا أنا واخواني

وكنا ندرس لحالنا من واحنا صغار وما نيجي لامي نسالها إلا لو في سؤال ما عرفناه أو لحتى اتسمعلنا قصيدة او سورة قرآن

وكنا بوقت الامتحانات مسؤولين عن دراستنا والي بيجيب درجة مو منيحة بيزعل مو لانو امو وابوه مخوفينو بالعكس بس لانو كنا من جوة بدنا انجيب الدرجة لإلنا مو لحد تاني

بس لاحظت هالايام باغلب الطلاب مو بس بعيلتي لا بكل الناس الي بصادفهم إنو الاولاد هيك وبطلو يهتمو وبدهم حد يدرسهم بيكون بالخامس والسادس والاعدادي والثانوي ولسة معتمدين بشكل كلي على حد ليدرسهم

والله تعب عالأهل وعالاولاد

ولا إنتو شو رايكم؟؟؟

وبالآآآآآآآآآآآآآآآخر

يا أسامة بديش أشوف وجهك مرة تانية عندي، ولو إمك طلبت مني أدرسك بدي أولع فيك وفيها

ههههههههههههههههههههههههههههههههههههههههههه

كان أتعس يوم من أيام حياتي وان شاء الله ما بينعاد (مش عارفة مين الي طلع علي هالسمعة العاطلة وقال اني بعرف أدرس)

أنا أعلنت اعتزالي يا جماعة عن تدريس الانجليزي والرياضيات

اللهم بلغت اللهم فاشهد

******************************

اليوم وأخيرا بعد 17 يوم استلمت سيارتي من الوكالة ، طبعا الاغلبية سمعو بخبر إني عملت حادث بسيارتي بعد استلامها بأسبوع من الوكالة

ونزولا على رغبة الاهل والاصحاب خليتها مخبوطة وما غسلتها شي عشر ايام قال شووووووو(خرزة زرقة) والحمدلله اجت بالسيارة وما اجت فيني الحادث كان بسيط والحمدلله

تعرفو اني فرحت بطلعت سيارتي من التصليح اكتر من فرحتي باستلامها من الوكالة اول مرة

حبيبتي يا زوبة ،يا مدلعاني يزوبة ، يمفسحاني يزوبة

وهاي زوبة لمة استلمتها من ساعتين من الكراج وكمان شوي بدي اروح اغسلها واعوضها ايام الحرمان الي عاشتهم وهية بعيد عني *_^

دبي مول

مرحباااااااا

قبل يومين طلعت مشوار ، ورحنا على دبي مول ، وهو أكبر مول بالشرق الأوسط ، وطبعا المول بيجنننننن وحلو كتير وكبير كتيييييييييييييييييييير

وما رحت عمكان فيه غير على مركز الاستكشاف والأكواريوم

ويدوب كفاني الوقت وانبسطت كتير كتير انا ملك واختي وزوجها وشفنا شغلات بتعقد وأسماك غريبة عجيبة ، ومشيت جوة نفق اسماك وحسيت بشعور حلو كتير

جد عالم البحار هاد عالم ممتع وشيق وفيه العجب ، يلا ما حطول عليكم بالكلام وروحو شوفو شوية هالصور بركي عجبتكم واجيتو اتزورونا بدبي

يلا نقرأ قصة

منذ سنوات ، انتقل إمام إحدى المساجد إلى مدينة لندن- بريطانيا، و كان يركب الباص دائماً من منزله إلى البلد.

بعد انتقاله بأسابيع، وخلال تنقله بالباص، كان أحياناً كثيرة يستقل نفس الباص بنفس السائق.

وذات مرة دفع أجرة الباص و جلس، فاكتشف أن السائق أعاد له 20 بنساً زيادة عن المفترض من الأجرة.

فكر الإمام وقال لنفسه أن عليه إرجاع المبلغ الزائد لأنه ليس من حقه. ثم فكر مرة أخرى

وقال في نفسه: 'إنسَ الأمر، فالمبلغ زهيد وضئيل ، و لن يهتم به أحد ...كما أن شركة الباصات تحصل على الكثير من المال من أجرة الباصات ولن ينقص عليهم شيئاً بسبب هذا المبلغ،

إذا سأحتفظ بالمال وأعتبره هدية من الله وأسكت.

توقف الباص عند المحطة التي يريدها الإمام ، ولكنه قبل أن يخرج من الباب ، توقف لحظة ومد يده وأعطى السائق العشرين بنساً

وقال له: تفضل، أعطيتني أكثر مما أستحق من المال!!!

فأخذها السائق وابتسم وسأله: 'ألست الإمام الجديد في هذه المنطقة؟

إني أفكر منذ مدة في الذهاب إلى مسجدكم للتعرف على الإسلام، ولقد أ عطيتك المبلغ الزائد عمداً لأرى كيف سيكون تصرفك'!!!!!

وعندما نزل الإمام من الباص، شعر بضعف في ساقيه وكاد أن يقع أرضاً من رهبة الموقف!!!

فتمسك بأقرب عامود ليستند عليه،و نظر إلى السماء و دعا باكيا:يا الله ، كنت سأبيع الإسلام بعشرين بنساً!!!

وبعد تذكروا إخوتي وأخواتي ، فنحن قد لا نرى أبداً ردود فعل البشر تجاه تصرفاتنا ..

فأحياناً ما نكون القرآن الوحيد الذي سيقرؤه الناس .. أو الإسلام الوحيد الذي سيراه غير المسلم ..

لذا يجب أن يكون كلٌ مِنَّا مثَلاً وقدوة للآخرينولنكن دائماً صادقين ، أمناء لأننا قد لا نُدرك أبداً من يراقب تصرفاتنا ، ويحكم علينا كمسلمين...

وبالتالي يحكم على الإسلام

فكرة غريبة

أهلا يا جماعة , بصراحة صرلي اسابيع واياااااام مش عارفة شو أكتب ولا ليش بدي أكتب ولا حتى إني لو كتبت أو ما كتبت رح يفرق شي

يعني هيك اجتني أفكار ، بس اكتشفت اني بالآخر برجع وبكتب علشاني أنا

علشان حنو بتحب اتفكر بصوت عالي مرات كتير

وبتحب اتفكر ومعها أصحاب وناس يردو عليها ، وطبعا إنتو همة هدول الناس والأصحاب

صرلي كم يوم عم يخطر عبالي موضوع غريب وما تسألوني كيف ولا ليش لأنو بكل صراحة رح اجاوبكم لأني بشر متلي متل أي حد فيكم وبيجيني أفكار غريبة كتير أوقات

وهاي الشغلة هية كالآتي

لنفرض مثلا أنا (والكحي ممكن ييجي عأي واحد كمان بس أنا رح بحط حالي مثال اتفقنا) لنفرض إني صحيت يوم من النوم متلي متل أي انسان طبيعي ولقيت حالي مريضة ، بس مو انفلونزا ولا كحة ولا حتى وجع ظهر متل يلي عندي هلأ وأنا عم بكتبلكم ومطلع عيني

فرضا الشر برة وبعيد صحيت لقيت حالي معي سرطان

الي بحبوني ما يدايقو حبايبي إنتو بس بجد هالفكرة اجتني وخلتني فكر بكتير اشياء

أول شي طبعا فكرت فيه مين رح بيتخلى عني ومين رح بيضل معي ووصلت لنتيجة إنو أخواتي أول حد رح يوقف معي وطبعا أخواني وطبعا صاحباتي وهمة كتار وصعب اذكرهم بالأسماء لأنهم الحمدلله عارفين حالهم صح ^_^ واكيد الشخص الي بيحبني وبيعرف قيمتي هاد لو طلع بيحبني بحق

وبعدين دخلت بدوامة تانية كيف رح يكون موقفي الشخصي هل رح أستسلم وأموت وأنا منطوية عحالي ونكدية والدنيا سودا بوجهي وبعد أيامي لحتى أموت

ولا هل رح كون قوية وصلبة وكلي أمل وتفاؤل متل كتير من الناس الي فاجأهم هذا المرض وهزموه شر هزيمة

هل الناس إلي بيسألوني كيف زكامك هلأ ؟خف ولا لسة بتشربيلو دوا ؟رح يسألوني كيف سرطانك هلأ خف ولا بعدك بتقاوميه

حيضلو بجنبي قلقانين وبتابعوني ولا حيهربو من هول كلمة سرطان على النفوس

يمكن هالموضوع غريب وعجيب وأنا اعترفت من البداية انو غريب بس بجد أكيد كل واحد منا بيجي عليه وقت من الأقات بتجتاحو هيك أفكار ، مرات بتكون سعيدة ومرات بتكون أليمة

بس هل بيكون عنكم الشجاعة إنكم تطلقو العنان لخيالكم الها وتكبروها واتفكرو فيها ؟؟؟ ولا بتخافو وبتحكو بعيد الشر عنا وبتفو عإيدكم اليمين متل مبتعملو لمة بتصحو من النوم وبتحلمو بكابوس؟؟؟

(متل المصريين بيتفو بعبهم وبيحكو الشر بره وبعيد هههههه)

هل مجرد الخيال بيخوفنا لحتى ما نخوضو ولا احنا أقوياء لنخوض الواقع مو بس الخيال

متل مقلت فكرة وخطرت وحكيتها بصوت عالي ، حلو الواحد يحكي بصوت عالي ، التفكير والخيال بيخليك كتير مرات تتزكر الي بيحبوك وتتزكر الي بتحبهم ولو مزعلهم مرات بسبب تخيلاتك هاي بتروح بسرعة اتصالحهم ، لانو سبحان الله الانسان بيكون لين وضعيف لمة بيخاف وبيقلق

وكمان الخيال بيساعدك مرات لتكاشف حقيقة أليمة وواقع مخيف انت بتهرب منو وبترفض مواجهتو بس بفضل خيالك مع نفسك بتواجهو وبتوصل لنتيجة ممكن تصدمك بنفسك

عالعموم هين حكيناه وهين دفناه ، وان شاء الله كلنا بنضل بصحة وعافية وسدقوني الخيال حلو بحلوه ومره

بيعلمنا

بس الشاطر الي بيتعلم

وتحياتي للجميع

وأخيرا

أخيرااااااااااااااااااااااااااااااااااااااااااااااااااااا

أخدت إجازتي بعد كم شهر عناء وشغل وضغط وهم مايتلم ، أخدت اجازتي السنوية

صحيح مو عارفة أسافر لشي مطرح لأنو الصيف خلص والشتا والبرد بكل مكان

بس هيك نصيبي شو بدي أعمل حضطر أقضي اجازتي بالبيت

بس برضو راحة من الشغل والصحيان بكير

بس لسة يا جماعة نفسي وحموت لأسافر بس الجو برد بالأردن كتيييير وكمان بمصر وبسوريا ووووو

افففففففففف يلا الله ينسيني شغلة السفر وألاقي شي يسليني بهالاجازة الحلوة الي اجت بعد طول انتظار



يلا الي حابب ييجي يأجز معي أهلا وسهلا

من بكرة رح أكون بالبيت شهر زي قلتي ههههههههه ولله الحمد