قال الجندي لرئيسه :صديقي لم يعد من ساحه المعركه سيدي...أطلب منك الإذن الذهاب للبحث عنه

الرئيس:' الاذن مرفوض '

و أضاف الرئيس قائلا :لا أريدك أن تخاطر بحياتك من أجل رجل من المحتمل أنه قد مات

الجندي: دون أن يعطي أهمية لرفض رئيسه ، ذهب وبعد ساعة عاد وهو مصاب بجرح مميت حاملاً جثة صديقة ...

كان الرئيس معتزاً بنفسه : لقد قلت لك أنه قد مات ..قل لي أكان يستحق منك كل هذه المخاطره للعثور على جثته ؟؟؟

أجاب الجندي ' محتضراً ' بكل تأكيد سيدي .. عندما وجدته كان لا يزال حياً،،

واستطاع أن يقول لي :( كنت واثقاً بأنك ستأتي )

الصديق هو الذي يأتيك دائما حتى عندما يتخلى الجميع عنك

سلام يا جماعه

هالموضوع إلو مناسبة شخصية عندي ، وبعرف إنو الي قصدي عليها بهالموضوع رح تدخل تقرأوا وتعرف إنو انا بقصدها هي شخصيا بس بدون ذكر أسماء خليني أحكي عنها روحي

قبل كم يوم بالتحديد من 3 ايام بلشت الدنيا تصير سودا بوجهي وكتير كانت كل الأبواب مسكرة قدامي ومو عارفه شو أعمل ولا كيف بتنحل ولا مين معي ومين ضدي ولا انا صح ولا غلط ولا اكمل ولا اتوقف ولا اي شيء بالدنيا كان واضح قدامي والله شوي وكنت حنهار

كنت بكل معنى الكلمة تايهة وضايعة ومهزوزه

واحترررررررررررت يا الله شو احترت مع مين احكي ومين حيسمعني هلأ عالساعة وحده ونص بعد نص الليل مين في بحياتي يتحملني وانا ممكن اطمن بالحكي معو واحكي بكل صراحة وبدون مأخبي واستحي

فتحت موبايلي ولفيت بالاسماء يالله أديش لفيت وكتير لقيت أصحاب واصدقاء وأحباب

بسسسسسسسسسسسسسسسسسسسسسسسسسسسسسسسسسسس

الرقم الوحيد الي اتصلتلو عآخر الدنيا بالمسافة تقدر بالاف الاميال بس بالتلفون كانت جنبي ومعي أوووووه حياتي انتي يا أم..... والله ما بعرف شو كان صار يومها لو ما كنت حكيت معك ولو ما كنتي انت وامك كلمتوني وفتحتلكم قلبي

جد جد جد الاصدقاء الصدوقين وين مراحو ووين مبعدو عنك بيضلو جنبك وما رح تفكر تلجأ لغيرهم

اليوم وأنا بقرأ هالقصة الي نشرتها باول الموضوع اتزكرتك وماكان فيني ما اكتب عنك بمدونتي ، بعرف انك مو مستنياني اشكرك ولا اكتب عنك

بس بجد كتبت هالموضوع لأنو من حق كتير ناس يعرفو انو الدنيا لسة بخير وإنو لسة في اصدقاء بيوقفو معك بوقت الشده

وانو شو مافرقتنا الدنيا وبعدتنا ، القلوب بتضلها متقاربه وبتخاف عبعض وبتحس وبتقلق وبتعتني وبتساعد وبتحب

حياتي أم...... أنا بحبك كتير وبتمنالك طولة العمر الك ولعيلتك كلها وبعرف انك عارفة اديش انا بحبك بس هلأ بدي ياكي تعرفي إني بحبك اكتر وبحترمك وبشكر الله كتير اني اتعرفت عليك بهالدنيا

الله يحفظك ويحميك ويوفقك يارب

تحياتي الك