عين وما صلت عالنبي

سلام يا جماعة
طبعا اغلبكم بيتزكرو موضوع قصتي مع التكاسي الي نشرتو زماااااان
اليوم بدي احكيلكم قصتي مع سيارتي العجيبة وكمان قصتي مع الشرطة ،ايوااااااااااااااااااااا صرت أنا والشرطة صحاب(خريجة سجون عقولتهم)
بصراحة يا جماعة من يوم مشتريت سيارتي الغالية والعزيزة عقلبي وأنا كل يوم بيسير فيني مقلب وعملة شكل
يلا مستعدين تسمعو شو صاير معي؟؟
يلااااااااااااااااااااااااااا
طبعا انا استلمت سيارتي يوم أحد ،والله وكيلكم عالأحد الي وراه عطول عملت حادث وانا كنت مظلومة وطبا لانو الرخصة تاعتي جديده ولساني سنفوره انا الي شلت الذنب بس نصو لانو تاميني شامل تاع السيارة والوكالة بتصلحها انا بس بدفع نسبة

وبسسسسسسسسسس الكل حكالي عين واجت بالسيارة الحمدلله ما كان حادث كبير(شوووووووووووووو)اذا هاد حادث صغير عرايهم والسيارة ضلت بالوكالة 15 يوم

طبعا ملحقوش التكاسي يشتاقولي رجعتلهم تاااااني الحمدلله ههههههه

وبس استلمت السيارة عروووسة من اول وجديد
بس هل النحس روح عالبيت؟؟؟؟
لععععععععععععع لساه موجود

بعد كم يوم من اول حادث نزلت لقيت واحد ابن حلال فاقسلي بيضة عدبة السيارة والبيضه سايحة من عالشباك الوارني لحد الدبه
هههههههههههههههههههههههههه
هاي ضحكة الصدمة أنا وقتها كنت حبكي بس مسكت نفسي
لو إنتو خبراء حتعرفو إنو البيض لمة بينشف عالسيارة بيصير صعب انو ينشال وبيضل في إلو علامة عالسيارة لحد منعملها بوليش
المهم استعوضت ربنا ورحت المغسلة غسلتها وغضيت البصر عن العلامة الي صارت لحد ماعملها بوليش
وطبعاااااااا
معلش يا حنوووو عين واجت بالسيارة
يلهوي يلهوي يلهوي
شو هالعين الي شغالة عسيارتي 24 ساعة مع الاوفر تايم والله مصيبة

وبعد هالصدمة بكم اسبوع وحياتكم ما لحقت افرح فيها للسيارة لسة ، مشيت من دبي للشارقة زيارة لبيت اخي المهم بعد شي 6 ساعات قررت انو لازم اروح البيت

ههههههههههههههههههههههههههههههههه
ويرتني ما روحت
المهم نزلت شغلت سيارتي ورجعت فيها لورة شوي

وإلاااااااااااااااااااااااااااااااااااااااااااااا

بشخص غريب عجيب بيدقلي عشباك السيارة الي وره من الجهة التانية
المهم انا طنشت أهلوووو
وكملت ارجع بالسيارة ولقيتو مصر وزادت حدة ضرباتو عالسيارة المهم رجعت السيارة للباركينج ونزلتلو ويريتني ما نزلتلو
حكالي سيارتك فاير فاير
يلهووووووووووووووووووووووووي (إييييييه يا روح امك )

سيارتي وكالة يا جماعة وما صرلي شهرين مستلماها شو الي فاير فاير
المهم ملحقتش اطلع عالفاير الوهمي
الا وابن حلال تاني خاطف شنطتي من العربيه ويا فكييييييييييييييك
ههههههه اسيبلكم انتو تتخيلو الدراما والكوميدي والرومانس كمان الي حصل معي يومها
والآكشن كان بقسم الشرطه
أيوان قسم الشرطة والبحث الجنائي ورفع البصمات ومحضر واستجواب واوصفيلنا وعددي شو المفقودات وووووو
4 ساعات حسيت حالي أنا الي خطفت حالي والله

المهم ما عليكم من طول السيرة الشنطة ما رجعت والحرامي لسة طليق فديرو بالكم

طبعا لسة الإرهاب الممارس عسيارتي ما خلص

ههههه عين وما صلت عالنبي

(مشوها عين علشان كلام الناس اتفقنا)
طبعا نزلت بعد هالحادث بكم يوم برضوووووووووووووووو لقيت واحد ابن حلال تاني غير الأولانيين خااااالص ملزقلي عالسيارة ستيكرز حليب المراعي ، صراحه ما حد أعطاني خبر إنو اعلانات الحليب صارت لايف هيك بدون تيفي ( التوصيل لحد العربيه وحياتكم من دون حليب بس الملصق )

ما بعرف شو احكي والله صرت انزل من البيت للشغل وبفكر الله يستر شو حلاقي عالسياره اليوم

وبسسسسسسسسسسسسسسس هالقصص كلها لحد قبل يومين بالزبط كان طفح فيني الكيل والله و كرهتها لسيارتي
نزلت لقيت عليها اسمنت ،وهاي كانت القشة الي قسمت .........
فقررت اروح اغسلها بالاول
ولمة غسلتها حكالي العمو الي بيغسلها الاسمنت ما بيطلع ولازمها بوليش
ههههههههههههههههههههههههه هاي مو ضحكة فرح هاي ضحكة حسبي الله ونعم الوكيل
فقرررررررررررررررررررت اتصل بالشرطة
وفعلا يومين انا شغل شرطة ومخفر بس بصراااااحة الشرطة كانو حبابين معي كتير ،ربنا بعتلي شرطي بينحط عالجرح بيبرد
بعد التحقيق اتضح انو شركة تصليح بالطريق همة الي وسخولي سيارتي المهم ما الكم بطول السيرة جابو المسؤول وطلع فلسطيني
وبسسسسسسسسسسسسسس بلش يتفلسف علي وانا هلا بدفعلك حقها من جيبي وما في داعي للمحاكم وووو
طبعا انا من قهري سكت بس مو لانو مو عارفة ارد بس لانو في حد عم بيرد عني هههه الله يخلي الشرطة
وبعد كل هالبهدلة قررو انو يحولوها محكمة وووو بدهم يحبسو الزلمة لتاني يوم ولازم يجيب حد يكفلو
فانا مع اني مقهورة منو قررت بكل شطارة اتنازل واوكل امري لله حرام ينحبس
يعني بصراحة الزلمة ما دخلو غير انو مسؤول عن العمال
ومو هو بايدو وسخها وبغض النظر عن لسانو الي بدو قطع صراحة خفت مرتو ولا اولادو يدعو علي كان السبب بحبسة ابوهم (الي هو انا بلا فخر) فقررت بكل شجاعة اتنازل وانضف سيارتي من جيبي واقصر الشر

(مش عارفه جيبي حيستحمل ايه ولا ايه)

والحمدلله خلص هالاسبوع عخير واليوم الجمعة تاريخ 13-2 المفروض انو سكرت صفحة سيارتي والشرطة وووو وان شاء الله بنزل بكرة استخدم سيارتي ما الاقيها متطهده من حد ولا مولعه بروحها من القهر
حد حابب يشتري سيارة نيسان التيما موديل 2008 ؟؟؟؟ علشان أخلي ذمتي السيارة بتاخدها مع العين الي عليها

اوكي؟ اللهم بلغت اللهم فاشهد

تحياتي للجميع وبعيد الشر عن سياراتكم