حفلتي

اليوم 4-4-2009

طبعا خلاص عرفتو انو يوم ميلادي

الخبر الجديد هو

شو سويت بهاليوم

امممممممممم يلا انبلش

اول هديه استلمتها كانت من صاحبتي كنافة بالشغل وصراحة كتير حبيتها للهدية

وحبيت الشعور بانو في حد مهتم بسعادتي

وبمناسبة يوم ميلادي عملت تجمع صغير لحبايبي بس مو بالبيت علشان انغير جو

حجزت بكوفي شوب كتييييييييييييير حلو

واجو ناس كتير غاليين عقلبي

عمو وخالتو واخواني واخواتي واولادهم طبعا مو الكل بس الي قدر ييجي

واتعشينا وجابولي هدايا حلوين كتير وضحكناااا

وقطعووووووني

!!!!!

هههههه

قصدي قطعو الكيكة الي انا عليها

وحسيت بكمية حب كبيره كتيييييييييير حسستني اديش الانسان بدون حب ما بيقدر يعيش

وبدون اهتمام من الناس الي بيحبوه كمان صعب يكون مرتاح

والحمدلله الحمدلله على هالنعمة الكبيرة الي الله اعطاني ياها وهو حب اهلي وقرايبي وكل معارفي واصحابي

وفي مفاجئة وصلتني عفكرة وانا بالمطعم وانصدمت فيها

كنت آعده بامان الله وفجأه اجاني الجرسون بيقلي انت حنان شلبي

قلتلو ايوة قلي في واحد بدو ياكي برة

ههههههههههههههههههههههههههه هاي ضحكة الخوف لانو الي حكاية مع قصة في واحد بستناكي برة كتير عم بتصرلي هالايام

المهم طلعت انا وزوج اختي لقيت واحد حاملي بوكيه ورد كبير حلووووووووووو وبنص البوكيه في حوض سمك صغير فيه

3 سمكات وحده سودا ووحدة بيضا ووحده بيضة مع اسود

طبعا انا فرحت كتييييييييييييييييييييييييييييييييييييييييير وكنت حطير

استلمت البوكيه وفتحت الكرت ولقيتو من اخوي ومرتو واولادو وكانت مرة اخي مسمية السمكات

حنان و ح... و بنتي ش.... هههههههههههههههههه بدون تفاصيل بكفي هيك

جوجو شكراااااااااا كتير يا حياتي الله ما يحرمني منك يارب

وبس كان اليوم كتير حلو وسعدي وكالعاده اهلي احسن اهل واحن اهل بالدنيا وكل الي بيعملوه بيكون هدفو الوحيد سعادتي

جد الاهل هدول نعمة من الله

وبسسسسسسسسسسسسسسسسسسسسسس لهون بيكفي خلص اليوم ورجعنا البيت وصورت هداياي علشان انشرهم بالدونة وللذكرى كمان

وطبعاااااااااااااااااا حطيت حنان وح... وش... بالحوض الله يخليلي ياهم يارب ، والله كنت خايفة عليهم يموتو قبل ميوصلو الحوض

بس الله ستر وان شاء الله بيعيشو معي مبسوطين

طبعا بشكر كل صاحباتي وقرايبي الي هنوني بعيد ميلادي سواء عالفيس بوك او بعتولي ايميل او مسج وبحكيلهم شكرا كتييييييييييير

انا بحبكم كتير

وفعلا الحب مو بالهدايا ولا بأي شيء مادي

الحب بنحسو من احساس واهتمام الي حولينا

ممكن بكلمة

ممكن بورده

ممكن بأمنيه

ممكن بابتسامه

ممكن بدقيقة من حياتهم بيخصصوها النا بكل حب ليحسسونا انهم معانا هلأ وبكرة ولآخر العمر

شكرا لكل مين حسسني إنو مهتم حتى لو بكلمة اكيد هالكلمة وصلت لقلبي عطول